අනාගතයේ යුද්ද කරන්නේ කඩු දුනු ඊතල වලින් නෙමෙයි ,ටී පනස් හය, කාල තුවක්කු, මල්ටි බැරල් වලින් නෙමෙයි.න්‍යෂ්ටික බෝම්බ වලින්. ජාතිවාදී මත අරවා මේවා හද හදා උන් සුළු ජාතිය අපි මහ ජාතිය මේ අපේ රට කියකියා ඉන්න වෙලාවක් නෑ න්‍යෂ්ටික බෝම්බයක් දාපු ගමන් සේරම ඉවරයි .අපේ ජාතිවාදී මතය තාම වැඩ කරන්නේ කඩු දුනු ඊතල වලින් යුද්ද කරපු කාලේ වගේ .අංගම්පොර රාවණ අරවා මේවා සේරම එහමනේ .න්‍යෂ්ටික බෝම්බ එහා මෙහා උනොත් කතිකාවකට දූෂ්ටිවාදයකට ඉඩක් නෑ .අපේ යුද්දෙන් අපි දින්නනනේ.අපි ඉතුරු උනානේ .ඒ හින්ද කිරිබත් කන්න පුළුවන් .බයිලා ගහන්න, කිරිබත් කන්න. යුද්දෙන් මැරෙන් නැතුව ඉතිරි වෙච්ච අයට තමා ජාතිවාදය කරට අරගෙන ආපහු මරා ගන්න ඕනේ .....
ගොඩ නැගෙන හැම මනුෂ්‍ය සම්බන්දයක් ම ගොඩනගලා තියන මනුෂ්‍ය සම්බන්දකම් වල ආකෘති ඇතුළට වැටෙනවා . ආකෘති ඇතුලේ මනුෂ්‍ය සම්බන්දකම් ඇතිවෙනවද ගොඩනැගෙන මනුෂ්‍ය සම්බන්දකම් ආකෘති ඇතුළට දානවද කියන එක .කිකිළිද බිත්තරේද වගේ ප්‍රශ්ණයක් ....එක ගැනියෙක් එක පිරිමියෙක් ගේ සම්බන්දයකට ප්‍රේමය කියනවා .ඔය ප්‍රේමය උත්කෘෂ්ටයි පරමයි පිවිතුරුයි කියන්න ඕනේ තරම් සංකල්ප වචන සාහිත්‍ය තියනවා .සිදුහත් යසෝදරා සම්බන්දයත් අන්න ඒ වගේ කථාවක් සාහිත්‍යක් .මිනිස්සු ඒවට ආසයි .සිදුහත් ගිහි ගෙයින් ගියාට පස්සේ යසෝදරා වෙනත් පුරුෂයෙක් සමග සම්බන්දය තිබුණා කියලා හිතන්නවත් අපි කැමති නෑ.මොකද අර වගේ පරම පිවිතුරු සම්බන්දකම් ඇත්තට නැති නිසා ඇත්තට තියනවා කියලා බොරුවට හිතන්න අපි කැමතියි ........ජිවිතේ කියන්නෙම ඇත්තට නැති දේවල් ඇත්තට තියනවා කියලා බොරුවට හිතන්න කැමති වීම .ඇත්තට තියනවා කියලා බොරුවට හිතාගෙන ජීවත් වීම .එක වෙලාවකට මට මේ ඇක්ට් එක දරා ගන්න බැරි තරම් අමාරුයි ..මිනිස්සු කොහොමද අප්පා මේ තරම් බොරුවක් ඇත්තයි කියලා හිතාගෙන බොරුවට ජීවත් වෙන්නේ
Comments
Post a Comment