පිංහාමි
“ගෙයක් හින්ද
ගෙදර යන්න වෙන පළමුවැනි ඇමති රවි මහත්තයාද ඒයි? කියා හාමිනේ අසන විට,
“ඒකනේ හාමිනේ
වැඩේ කියන්නේ... යහපාලකයෝ බලයට ආවේ මහින්ද
මහත්තයාගේ ආණ්ඩුවේ හොරු අල්ලනවා කියලා... අන්තිමට ජනාධිපති කොමිසම් දාලා තමන්ගේ
හොරු හරිම ජයග්රාහී විදිහට කොටු කරලා. මහින්දවාදී දේශප්රේමී පාක්ෂිකයෝ ටික මාර
විදිහට චූන් කරලා. මම බලයට ආව ගමන් මගේ පැත්තෙම හොරු අල්ලනවා කියලා මෛත්රී
මහත්තයා කිව්ව නම් හැට දෙලක්ෂයක් ඡන්දය දෙයිද?... අංජබජල් යහපාලනයක් කියන්නේ නිකං
නෙමෙයිනේ... අඩුගාණෙ ජනාධිපති කොමිසම් දාලා පිටු අටදාස් ගණන්වල වාර්තා හදලා දුරකථන
ඇමතුම්, එස්.එම්.එස්. චෙක් කරලා මහින්ද මහත්තයාගේ ආණ්ඩුවේ හිටපු හොරු දෙතුන්
දෙනෙක් ඔය විදිහට කොටු කරලා ලොකු මතවාදයක් හදලා රවි මහත්තයාව කොටු කළා නම් අවුලක්
නෑ... මුන්ට පිස්සු හාමිනේ... කියා පිංහාමි කීවේය.
“මහින්ද
මහත්තයා කවදාවත් තමන්ගේ පැත්තේ හොරෙක්ව ඔහොම කොටු කරලා කුජීත කළාද? ඒ
අතින් මහින්ද මහත්තයා මාරයි අප්පා... කියා හාමිනේ කීවාය.
“නෑදැයන්ට
ගෙවල් අරන් දීපු, තමන්ටත් මහ ගෙයක් හදා ගත්ත, ගෙවල් හින්දම කුජීත වෙලා ගිය විමල්
මහත්තයත් රවි මහත්තයාව විවේචනය කරනවා, එක ගඩොලක් අයථා විදියට පාවිච්චි නොකළ මහා
ශුද්ධවන්තයෙක් විදිහට.... එතකොට අර ඇලඩින්ගේ පුදුම පහනේ භූතයා හදපු මල්වානේ ගේ...
මල්වානේ ගෙවල් ගැන හරියට පරීක්ෂණ කළා නම් ඔය ගෙවල් හදපු කට්ටිය දේශපාලනයෙන්
අතුගාලා දාලා ගෙදර අරින්න තබ්බා. ඒ දේශපාලන ධෛර්යය, ඒ දේශපාලන උවමනාව මෛත්රී
මහත්තයාට නෑ. රනිල් මහත්තයාටත් නෑ. අඩුගාණෙ අර කැකිල්ලේ රජ්ජුරුවෝ නඩු විසඳපු විදියට
ඔය මල්වානේ ගේ හදපු විදිය හෙව්වා නම් අයිතිකාරයා කොටුවෙලා ඉඩම ගත්ත තැන ඉඳන්.
මේසන් බාස්ගේ ඉඳන්, ප්ලෑන් එක ඇඳපු තැන ඉඳන් පස්සට ගියා නම් අයිතිකාරය අල්ල
ගන්නවා. කොමිසන් දාන්න ඕනෙද භෞතිකව පේන්න තියෙන ගේක අයිතිකාරයා අල්ලන්න. නිකං මේ
පොලිස් කොස්තාපල් මාමෙකුට ඔය වැඩේ බාරදුන්නා නම් ඔය ගෙදර අයිතිකාරයා හොයලා දෙනවා* කියා පොඩි පුතා කීවේය.
“මම නම්
කියන්නෙ මෛත්රී මහත්තයාට, රනිල් මහත්තයාට මහින්ද මහත්තයාගේ ආණ්ඩුවේ හොරු අල්ලන්න
දේශපාලන උවමනාවක් නැතුව නෙමෙයි, මහින්ද මහත්තයාගේ ආණ්ඩුවේ එක මංචාඩියක් හොරා කාපු
එකෙක් නෑ... ඒ තරම් අවංකව රටට පණ වගේ ආදරය කරපු රත්තරං දේශප්රේමියෝ ටිකක් තමයි
මහින්ද මහත්තයා වටේ හිටියේ. එහෙම අවංක පාරිශුද්ධ මිනිස්සු ටිකක් තමයි බොරුවට හොරු
හොරු කියලා මතයක් හදලා පැරද්දුවේ. මෛත්රී මහත්තයාටත් එක හොරෙක්වත් අල්ලගන්න බැරි
වෙච්ච ලැජ්ජාවට තමයි ඔය යහපාලන හොරු කොටුකර ගන්න වැඩේට බහින්න ඇත්තේ කියා පිංහාමි ඉනට පහළින් තියෙන කටින් හිනා වුණේය.
‘“යහපාලනය කියන්නෙ
මේකට වෙන්නැති නේද? අනුන්ගේ හොරු අල්ලන්න කලින් තමන්ගේ හොරු අල්ලලා කුජීත වෙන එකට
වෙන්නැති යහපාලනය කියන්නේ... කියා හාමිනේත් වෙන කොහෙන්දෝ හිනා වුණේය..
“රටේ සම්පත්,
මහජන ධනය හොරා කන හැම හොරාම කොටුකර ගෙන දැඩි දඬුවම් දෙන්න ඕන... එකේ කිසිම ප්රශ්නයක්
නෑ. හැබැයි මෛත්රී-රනිල් මහත්තුරු තේරුම් ගන්න ඕනේ තමන් කරන්නෙ දේශපාලනයක් කියලා.
දේශපාලනයට අනුව හොරු ඇල්ලුවේ නැත්නම් ගෙදර යන්න ලෑස්ති වෙලා ඉන්න ඕනේ... රවි
මහත්තයා කොටු වුණාම මහින්දවාදී පාක්ෂිකයෝ ඩබල් චූන් වෙනවා, යහපාලන පාක්ෂිකයෝ
කලකිරෙනවා. යහපාලනයේම තියෙන ඡන්දත් නැති වෙනවා. පසුගිය කාලේ පට්ට හොරු විදිහට නම්
දරාගෙන පට්ට පජාත වෙලා හිටපු කට්ටිය දැන් මාර ශුද්ධවන්තයෝ විදිහට විශ්වාසභංග ගේනවා,
කෑගහනවා. බනිනවා. පට්ට හොරු ටිකක් තමන්ගේ හොරකම් අමතක කරලා රවි රවි, ගෙවල් ගෙවල්,
බැඳුම්කර බැඳුම්කර කියකියා යනවා. මෛත්රී මහත්තයාට මෙතැනින් ගොඩ යන්න නම් දැන්
කරන්න තියෙන්නේ හොර ගල් ඇහිඳ ඇහිඳ ඉන්නෙ නැතුව රාජපක්ෂ ආණ්ඩුවේ පට්ට හොරුන්ටත්
ජනාධිපති කොමිසම් දාලා ඒ හොරකම් කොටු කරලා සමාජය ඉස්සරහා කටඋත්තර නැති කරන්න.
දඬුවම් නම් ඔය මොකාටවත් හම්බ වෙන්නේ නෑ. රවි මහත්තයාට දඬුවම් කළොත් ඉර නැගෙනහිරින්
බැහැලා බස්නාහිර පැත්තෙන් පායනවා* කියා පොඩි පුතා කීවේය.
“රවි
මහත්තයාට විරුද්ධව ගේන විශ්වාසභංගයට මහින්ද මහත්තයා ඡන්දය දෙනවද? කියා හාමිනේ අසන
විට,
“දවල් දෙන්නේ
නෑ. රෑ දෙනවා කියා පොඩි පුතත් ඉනට පහළින් හිනා වුණේය.
“මහින්ද
මහත්තයාට දෙනවා නම් දවල් දෙන්නත් පුළුවන්, රෑ දෙන්නත් පුළුවන්. ඕනෙම වෙලාව දෙන්න
පුළුවන් එළිකිරි බඩුවක් තමයි අපේ මහින්ද මහත්තයා. උඹ දැක්කේ නැද්ද මහින්ද මහත්තයා
ඔළුවෙන් හිටගෙන ඉන්න පිංතූරයක් පත්තරේ දාලා තියෙනවා. අවුරුදු හැත්තෑවක් වෙච්ච
ආතෙකුට කරන්න පුළුවන් වැඩද මෙව්වා... කොහොමට ෆිඩ් එකක් ඇද්ද?..... හැත්තෑව වෙලා
ඔහොම සෙල්ලම් දානවා නම් තරුණ කාලේ කොහොම සෙල්ලම් දාන්න ඇද්ද? මෛත්රී මහත්තයාට,
රනිල් මහත්තයාට පුළුවන්ද ඔහොම කකුල් දෙකෙන් එල්ලිලා ඉන්න කියා පිංහාමි ආඩම්බරයෙන්
කීවේය.
“මහින්ද
මහත්තයා ඔළුවෙන් හිටගෙන හිටපු හින්දා වෙන්නැති දෙපැත්ත මාරුවෙලා තියෙන්නෙ. රවි
මහත්තයාගේ විශ්වාසභංගයට පක්ෂව ඡන්දය දෙන්නේ නෑ කියලා දවල් කියනවා, රෑ වෙලා කියනවා
පළමු වතාවට රවිටයි, ආණ්ඩුවටයි විරුද්ධ ඡන්දය දෙනවා කියලා.
“එහෙම තමයි
බං... වයසත් එක්ක දෙක මාරු වෙනවා. ඕවා මොනවද කියා පිංහාමි කීවේය.
එයාලාගේ
දෙකතුන මාරු වේව්. ඒක හරියට තේරුම් ගන්න බැරි ජනතාවක් රටේ නැති එක තමයි අවාසනාව කියා
පොඩි පුතා කීවේය.
නදීෂ්
දික්කුඹුර
Pinhami.blogspot.com
Comments
Post a Comment