“තලතා නෝනාට
අධිකරණ ඇමතිකම දුන්නේ හොරු අල්ලන්නද? නොඅල්ලා ඉන්නද? කියා හාමිනේ අසන විට,
“හොරු,
මිනීමරුවො නොඅල්ලා, ඉන්න ඇමතිවරු පත්කරනවාද?* කියා පොඩි පුතා ඇසුවේය.
“මොකද නැත්තේ
විජයදාස මහත්තයාව පත්කරලා තිබ්බේ හොරු, මිනීමරුවො නොඅල්ලා ඉන්නනේ...* කියා හාමිනේ
කීවාය.
“හොරු
අල්ලන්නේ නැතුව අවුරුදු දෙකක්, දෙකහමාරක් ඉන්න පුළුවන්. ඊට පස්සෙනේ රැඩිකල් මන්ත්රීලා
ෆෝම්වෙලා දඟලලා ඇමතිකමෙන් අයින් කරන්නේ... තලතා නෝනාටත් දෙකක් විතර මොන මොනවා හරි
කියකියා ඉන්න පුළුවන්* කියා පිංහාමි කීවේය.
“එතකොට
යහපාලන ආණ්ඩුවේ පාලන කාලේ ඉවරනේ...* කියා හාමිනේ කියන විට,
‘“ඊට පස්සෙත්
වරෙල්ලකෝ හොරු අල්ලන්න ඡන්දෙ දෙන්න කියා ගෙන* කියා පිංහාමි තුඃ විතරක් කියා කෙළ ගැහුවේය.
“ඔහේ කොහොමත්
යහපාලනේට ඡන්දෙ දුන්නේ නෑනේ.. කියා හාමිනේ
කියන විට,
“මගේ බල්ලවත්
යහපාලනේට ඡන්දෙ දෙන්නේ නෑ...* කියා පිංහාමි කියන විට,
“බල්ලන්ට
කොහොමත් ඡන්දෙ දෙන්න බෑනේ...* කියා හාමිනේ කීවාය.
“හොරු
අල්ලන්නම ඕනේ නම් ඔය අධිකරණ ඇමතිකම රංජන් මහත්තයාට හරි, ෆොන්සේකා මහත්තයාට හරි,
අජිත් පී. පෙරේරා මහත්තයාට හරි දෙන්න එපැයි... ඇයි මේ තලතා නෝනට දුන්නේ* කියා
හාමිනේ අසන විට,
“ඒක ඉතිං
මෛත්රී මහත්තයාගෙනුයි, රනිල් මහත්තයාගෙනුයි තමයි අහන්න වෙන්නේ... රංජන්
මහත්තයාවයි, ෆොන්සේකා මහත්තයාවයි පැත්තකින් තියමු. ඒත් මේ... කියා පිංහාමි යමක කියන්න හදන විට,
“කොහොමත් ඒ
දෙන්නව පැත්තකින් තියලා නේද තියෙන්නේ... කියා හාමිනේ ඇසුවාය.
“මං කියන්නේ විජයදාස
මහත්තයාව විවේචනය කරපු, අධිකරණ ඇමති වෙන්න හොඳ සුදුසුකමක් තියෙන අජිත් මහත්තයාට
ඇයි ඔය ඇමතිකම දුන්නේ නැත්තේ* කියා පිංහාමි අසන විට,
“කටකයිවාරු
ගැහුවට අජිත් මහත්තයටත් හොරු අල්ලන්න බැරි වුණොත් විලිලැජ්ජාවේ බෑනේ... දැන් එහෙම වුණොත්
තලතා නෝනට බැණලා නිකං ඉන්න පුළුවන්නේ...* කියා හාමිනේ කීවාය.
“හොරු
ඇල්ලීමේ සම්පූර්ණ වගකීම තියෙන්නේ අධිකරණ ඇමතිට විතරද ඒයි?... මෛත්රී මහත්තයාට,
රනිල් මහත්තයාට එක මංචාඩියක වගකීමක් නැද්ද? කියා හාමිනේ ඇසුවාය.
“නෑනේ.. කියා පිංහාමි හිනා වුණේය.
“හොරු
ඇල්ලීමේ වැඩෙත් අධිකරණ ඇමති පිට දාලා ෂේප් වුණා...* කියා හාමිනේ කියන විට,
“ෂේපු වුණා
නෙමෙයි ෂේප් වෙනවා...* කියා පිංහාමි කීවේය.
“ඇත්තම ඇත්ත
කිව්වොත් මේ කාටවත් හොරු ඇල්ලීමේ අවංක උවමනාවක් නෑ...* කියා පොඩි පුතා කීවේය.
“විජයදාස
මහත්තයා බෙල්ලන්විල පන්සලේදී මහින්ද මහත්තයාට සෙට්වෙලා නේද?* කියා හාමිනේ අසන විට,
“රාජපක්ෂලා,
රාජපක්ෂලා අමුතුවෙන් සෙට් වෙන්න දෙයක් නෑ* කියා පිංහාමි කීවේය.
“දෙපැත්ත
බෙදිලා හිටියට ඔය සේරම එක පැත්තේ ඉන්න ඕනේ කට්ටිය... හොරා කියන්නෙත් හොරෙක්...
හොරු අල්ලන්නෙත් හොරු* කියා පොඩි පුතා කීවේය.
“ඒ පැත්තෙන්
මේ පැත්තට යනවා... මේ පැත්තෙන් ඒ පැත්තට යනවා... ඔය පැති දෙකම බොරු කිය කියා මාරු
වෙන්න, ලැජ්ජාවකුත් නෑ... අවුලකුත් නෑ... ප්රශ්නෙකුත් නෑ... එක පැත්තක එකටම
හිටියට කිසිම ප්රශ්නයක් නැති සෙට් එකක් නේ...* කියා ලොකු පුතා කීවේය.
“කොහොමත් ඔය
මහරගම පැත්තේ දේශප්රේමියො වැඩි හින්දා විජයදාස මහත්තයා දේශප්රේමී ලයින් එකක ගියා
වෙන්න බැරිද? කියා පිංහාමි ඇසුවේය.
“දැන් ඉතිං
කිසිම අවුලක් නැතුව දේශප්රේමී ලයින් එකේම විජයදාස මහත්තයාට යන්න පුළුවන්නේ* කියා
ලොකු පුතා කීවේය.
“ඔව්... ඔව්...
තාමත් ඔය දේශප්රේමී වැල්බයිලාවලට තැනක් තියෙනවා. මහරගම ඉන්න දේශප්රේමියො විජයදාස
මහත්තයාට ඡන්දෙදෙයි... විජයදාස මහා ප්රාඥයත් අන්තිමටම හැම තක්කඩියාම එල්ලෙන දේශප්රේමයේ
එල්ලුණා* කියා පොඩි පුතා කීවේය.
“අනුර කුමාර
සහෝදරයා ආවේස වෙලා වගේ රාජිත මහත්තයාට බැණගෙන ගියා නේද? මොකද ඒ* කියා හාමිනේ
ඇසුවාය.
“මොකද ඒ
කියලා බැණපු කතාව ඇතුළෙම තිබුණා නේ... කියා පොඩි පුතා කීවේය.
“ජේ.වී.පී.
කාරයෝ බැණබැණ ඉන්නවා, උඹලා චූන් වෙවී ඉන්නවා* කියා පිංහාමි කීවේය.‘
“ජේ.වී.පී.
එක හැමදාම චූන් විතරද දෙන්නේ?* කියා හාමිනේ ඇසුවාය.
Comments
Post a Comment